Se talhar las venas

Fa quatre jorns presencièri una situacion desagradiva: un òme mentalament alienat s'esforcèt a se talhar las venas del braç davant mieu fins que la sang canerèt abondiua, en tacant lo sòl e las parets: es un senhal que benlèu nos avertís de las mancas del budgèt psiquiatric.
Avertiguèri una ambulància qu'arribèt sulpic, lo recebèron, e al cap de doas oras l'òme aviá ja lo braç cosut e tornava èsser en situacion de exeat medic, dins la carrièra, e amb la recomandacion qu'anèsse veire qualque psiquiatra. 

La Glèisa catolica viu en pecat

La Glèisa catolica viu en pecat a comptar de l'an 1858 que lo Reialme del Cèl li diguèt que li caliá parlar en occitan (en enviant la vèrge Maria a parlar en occitan amb Santa Bernadeta). 160 ans mai tard dins las messas occitanas contunha lo desaubediment a la volontat divina.

L'avantatgi de la foetada.

L'avantatgi de la foetada. Al sud de las Corbièras la lenga nòstra a l'avantatgi del còp de foet indissimulat d'un enemic pauc escarrabilhat que nos fa reaccionar. Per causa d'aquela estimulacion resistenta se lo malur fai esfaçar lo cataloccitan al nòrd contunhariá de viure entre los Pirenèus e lo Segura.

Personas sens tet

Ai fach partida anuèch del dispositiu nocturn de recompte de las personas sens tet que dòrmon dins la carrièra dins la vila de Barcelona, e cap a las quatre de la matinada, quand tornava en cò mieu, m'es vengut al remembre una persona mancada d'abitatge que moriguèt la setmana passada e aiçò m'a fach ne remembrar una autra que fa ja mai de vint-e-cinc ans vegèri per la nuèch quand ieu me n'anava dormir, e que retrobèri lo matin, al meteis endrech, mas ja mòrta.

coards o eròis ?

Sabèm ja qu'a l'autre costat i a mai de borrèus que de democratas, çò que cal saber es s'al nòstre costat i dominan los coards o los eròis.

18

Ai besonh de tornar aver 18 ans. Qualque idèa ?

La gelosiá e lo reforçament emocional

La gelosiá e lo reforçament emocional. Fa qualques jorns dinnava amb una amiga qu'es professionala fòrça qualificada procedenta de la classa nauta d'un país sud american, e parlàvem sus la gelosiá. M'explicava qu'amb son marit ela es pas gelosa, a pas un bri de gelosiá, zèro gelosiá. M'a dich après qu'un còp una autra amiga se sarrèt a son marit amb un vestit descoletat e amb parlar de seduccion. Li demandi coma reaccionèt. Me respond qu'escenifiquèt teatralament d'expressions de colèra en li disent a crits a l'altra que se li tòrna ensenhar las popas al sieu marit li arrancariá lo cap. M'a explicat ara seguida qu'aiçò o fasètz pas per gelosiá, mas tot lo contrari, per li aumentar l'auto-estima al sieu aimat.

Avèm saldat amb SUCCÈS lo bienni revolucionari

Quim Torra m'interèssa pas mai gaire; doni per finalizat lo bienni revolucionari que (malgrat lo naut còst uman que pagam totjorn) avèm saldat amb SUCCÈS (perque nos a permés revertir la tendéncia a l'assimilacion, en plantant la grana de las generacions que nos portaràn a la desliurança).

The Alienist

Ara meteis ai finalizat la sèria de television The Alienist que lo protagonista catalano-alemand Daniel Brühl interpreta un immigrant alemand de classa nauta en metent en examen de crims contra mainats immigrants de classa bassa a la New York de fins del sègle XIX. 

Aiçò m'a fach remembrar un òme del Nepal qu'ai conegut uèi matin. Aquel òme me justificava lo sieu besonh de viure en un ambient tranquil en me disent que tal besonh es consequéncia dirècta de la siá nacionalitat. Disi pas qu'aiçò siá pas possible mas ieu ai pas cregut jamai en las generalizacions de temperaments nacionales (en fach, la majoritat de personas aganidas e fredas qu'ai conegut èran Madrilencas malgrat elas meteissas presumissián del contrari).

Dinnar amb l'art

Ai dinnat amb d'amics al restaurant Momo, al 39 de la carrièra d'Avinhon (gaireben a tocar de la carrièra Ampla de Barcelona). A despart del menu popular, m'an agradat fòrça los quadres d'aquela artista que son expausats per las parets .

Avengers: Infinity War

Dimenge de léser: ai dinnat al Racó (Rambla de Catalonha) e ai anat al cinèma a veire Avengers: Infinity War (soi totjorn estat un grand fan d'aquelas istòrias). Vòli pas far spoilers, dirai solament que la scèna que m'a agradat mai es estada la darrièra.

Flickr cataloccitan

Soi estat uèi en endreçant las miás rets socialas e me soi avisat que fa d'ans aviá iniciat un Flickr qu'arturèri. Soi pas segur s'es melhor que l'instagram, mas ai decidit a la fin o provar per un temps, e ai creat quitament un grop per partejar de fotografias de totes los païses cataloccitans: 

https://www.flickr.com/groups/cataloccitania/